बिराट कृषि विशिष्टीकृत सहकारी संघ मा करोडौं को अपचलन, वाढिले लगानी वगायो भनि झुटो वहाना वनाई उम्कने प्रयास

कोशी प्रदेश सहकारी रजिष्ट्रार कार्यालयमा दर्ता भएको यस संस्थाले २०७७ साल माघ महिनामा आफ्नो प्रारम्भीक साधारण सभा सम्पन्न गरेको थियो । त्यस पछि संस्थाले कुनै पनि प्रतिवेदन नियमक निकायमा वुझाएको छैन । ....

२०८०-०७-१२

0 461

बिराट कृषि विशिष्टीकृत सहकारी संघ मा करोडौं को अपचलन, वाढिले लगानी वगायो भनि झुटो वहाना वनाई उम्कने प्रयास

कृषि तथा विभिन्न प्रकृतिका करिव ३० वटा भन्दा वढि सहकारी संस्थाको छाता संगठन “बिराट कृषि उत्पादन तथा बजारीकरण विशिष्टीकृत सहकारी संघ लि.” आज गुमनाम अवस्थामा रहेको छ। कोशी प्रदेश सहकारी रजिष्ट्रार कार्यालयमा दर्ता भएको यस संस्थाले २०७७ साल माघ महिनामा आफ्नो प्रारम्भीक साधारण सभा सम्पन्न गरेको थियो । त्यस पछि संस्थाले कुनै पनि प्रतिवेदन नियमक निकायमा वुझाएको छैन ।

श्रोतको अनुसार, अहिले सम्म संस्थाहरुको के कति लगानी भएको हो त्यो यकिनकोसाथ भन्न नसक्ने अवस्था छ । अहिलेको स्थितीमा सदस्य सहकारीले आफुले लगानी गरेको रकम समेत फिर्ता पाउन सकिरहेको छैनन । अनेक वाहनामा संस्थालाई फिर्ता पठाएको छ ।

उक्त संघले हिसाब किताव समेत वाढिले बगाएको भनेर झुटो वहाना वनाइ रहेको कुरा केही सदस्य सहकारीले नाम उल्लेख नगर्ने सर्तमा हामीलाई वताए । संघ स्थापना भए देखिनै कुनै प्रतिवेदन नवुझाएको तथा छानविन समितिको प्रतिवेदन हेर्दा आर्थिक अपचलन भएको देखिन्छ ।

केहि सञ्चालककर्ताहरुले संघले कृषि सम्वन्धि विभिन्न क्रियाकलप समेत गर्दे आएको र वाढिका कारण कृषि समाग्रि नस्ट भएको बताएका छन । तर धेरै सञ्चालकलाई संस्थाको सक्रिय कृयाकलाप नभएको र क्षतिका बारे आफुहरुलाई थाहै नभएको बताएका छन।

दर्ता गर्दै बेलाको एक तस्बिर !

यो अवस्थाको जानकारी हुदा हुदै पनि कोशी प्रदेश सहकारी राजिष्टार कार्यालयले कुनै उचित कारवाही नगर्नु आफैमा एउटा आश्चर्यजनक कुरा हो । जसका कारण राजिष्टार कार्यालयको पुरै अभियान प्रति वेजवाफ को उदासिन्ता झल्किन्छ ।

अहिलेसम्म सहकारी नबुझेका साधारण सदस्य ठगिएको समाचार आउने गरेको थियो । तर सहकारीहरु नै मिलेर खोलेको सहकारी छातासंघले उल्टै सहकारीहरु लाई नै ठगिगरेको समाचार आउनु अर्को विचित्रको कुरा हो । जसका कारण सिंगो सहकारी क्षेत्र अझ अविश्वासित हुदै जानु हो ।

सहकारीपाना टिमले यस बारेमा कोशी प्रदेश रजिष्टार कार्यालयका नि. रजिष्टार हरीबहादुर खत्रीसग सम्पर्क गरेको थियो । उहाँका अनुसार, विभिन्न संघ संस्थाहरुका विभिन्न उदेश्यमा लगानी गरेको करोडौको शेयर पुँजि तथा रकम प्रदेश सरकारको स्वामित्वमा उक्त संस्था संचालनमा रहेको थियो ।
संघलाई तुरुन्त अद्यावधिक गर्न भनि रजिष्टार कार्यालयले पत्रचार समेत गरेको थियो । संधलाई वारम्वार पत्रचार गर्दा पनि संस्थाको हिसाव कितावमा बेवास्था गरेको पुन उहाँले बताउँनु भयो । यस्तो प्रवृति पक्कै पनि आर्थिक अपचलनको संकेत मान्न सकिन्छ ।

यस आर्थिक अपचलनको हिसावमा बरिष्ट सहकारीकर्मीहरु पनि समलग्न रहेको पनि सुत्रले जनाएको छ । सहकारी सम्वन्धि आम नागरिकको नकारात्मक धारणा आइरहेको परिप्रेक्षमा, सहकारी अभियानकर्तावाट आर्थिक अपचलन जस्ता कृयाकलावमा समलग्न हुनु नियमक निकायमा प्रतिवेदन वुझाउन सिकाउदै हिड्ने सहकारी अभियान्तावाटै खोलिएको संघहरुको यस्तो प्रबृतिले सहकारी आन्दोलनलाई कुन मोड दिने हो ? आम सहकारीकर्मीहरु माँझ गहन चिन्ताको विषय भएको छ ।

---------------------------------------------------------------------------------------------------------------------------
समाचार प्रकाशन पछि फेसबुक लगायत सामाजिक संजाल मा आएको प्रतिक्रियाहरु बाट, बिराट कृषि विशिष्टीकृत सहकारी संघ को सदस्य संस्था बाट आएको प्रतिक्रिया लाइ सहकारीपाना ले जस्ताको तेस्तै यो समाचार को अद्यावधिक पाटो बनाउने निर्णय गरेकोले, यो समाचार लै उक्त प्रतिक्रिया सहित पुनः अद्यावधिक गरिएको छ ।

------------------------------------------------------------------------------------------------------------------------------------------
Bal Bahadur Ghimire (Facebook Comment) २०८०/०७/१३
------------------------------------------------------------------------------------------------------------------------------------------

सर्वप्रथम सहकारी पाना र सूचना प्रदान गर्ने सहकारी संस्थाले नाम नबताउने सर्तमा भए पनि विकृति र विसंगतिका विरुद्धमा आवाज बुलन्द गर्ने आट गर्यो, दुबैलाई हार्दिक धन्यवाद र बधाई पनि भन्न चाहान्छु, अझ सूचना दिने सहकारी संस्थाको नाम सहितको समाचार पढ्ने अवसर पाएको भए सुनमा सुगन्ध भने झै समाचार समेत सुन्दर हुने थियोे भन्ने लाग्छ , जे होस् अन्याय र अत्याचारको विरुद्धमा अगुवाई गर्ने जो कोहीलाई पनि सल्युट गर्ने पर्छ ।

नेपाली समाजमा चलेको उक्ति " लुच्चाको धन फुपुको श्राद्ध " भने झै बिराट कृषि उत्पादन तथा बजारीकरण विशिष्टिकृत सहकारी संघको सवालमा कतै " गरिब सदस्यहरूको पसिनाको बचत फटाहाहरुको मस्ती " त भएको होइन? भन्ने लाग्छ र विशिष्टिकृत सहकारी संघका विषयमा मेरो मानसपटलमा उब्जिएको केही प्रश्नहरुको उत्तर सधैं खोजी रहेको छु:

यदि उक्त संघको आर्थिक हिनामिना र अपचलन भएको होइन भने,

(१) सहकारी ऐन, २०७४ मा भएको व्यवस्था बमोजिम सबै सहकारी संघ/ संस्थाहरूले प्रत्येक आर्थिक वर्षको पौष मसान्तभित्र अनिवार्य रुपले वार्षिक साधारणसभा आह्वान गर्नु पर्ने प्रावधान रहेको छ, उक्त संघले समेत प्रत्येक वर्ष वार्षिक साधारणसभा आह्वान गर्नुपर्ने होइन र? कि विशिष्टिकृत संघले पर्दैन ? प्रारम्भिक साधारणसभा सम्पन्न भएको पनि लगभग ३ वर्ष वितेछ त ।

(२) उक्त विशिष्टिकृत संघमा भएको अनियमितता सम्बन्धी प्रदेश सहकारी रजिस्ट्रार तथा प्रशिक्षण कार्यालय कोशी प्रदेश, सुनसरीमा संघका सदस्य संस्थाहरुबाट संयुक्त उजुरी परेको पनि ६ महिना भन्दा बढी भैसकेको छ, उक्त कार्यालय किन मौन ?

(३) बाढी पसेर संघको व्यापारीक प्रयोजनका लागि रहेको सामानको स्टक क्षति भएको भनिएको घटना विषम परिस्थिति हो कि होइन ? यदि हो भने विद्यमान सहकारी ऐनमा भएको व्यवस्था बमोजिम विशेष साधारणसभा आह्वान गरेर उक्त विषय किन राखिएन?

(४) आज भन्दा २ महिना अघि पिडित संस्थाहरु सहितको संयुक्त भेलाले २०८० असोज ६ गते साधारणसभा आह्वान गर्ने निर्णय भएको थियोे , उक्त मितिमा साधारणसभा किन आह्वान नभएको ?

उक्त विशिष्टिकृत संघ स्थापना गर्नका लागि गरिएको प्रारम्भिक भेलामा देखाइएका ठूलाठूला सपनाहरू सबै चकनाचुर भए र संस्था स्थापनाका लागि शेयर लगानी गर्ने सहकारी संस्थाका गरिब र निमुखा सदस्यहरुको गाँस काटेर संस्थामा गरेको बचत रकमबाट लगानी भएको शेयर रकमलाई खोलाको बहाना गरेर खोलामा बगाउने प्रपञ्च रचिदैछ, पदाधिकारीले आफू खुशी मनमोजी संघको रकम व्यक्तिगत काममा प्रयोग गर्ने , खर्च गर्ने जस्तो घृणित कार्य केही हुन सक्दैन ,त्यसैले यसको बिरुद्ध सबै सहकारीकर्मिहरुको आवाज बुलन्द हुनुपर्छ , गलत कार्यको कसैले पनि संरक्षण गर्नु हुदैन , नत्र भने यस्तो भाइरसले सिङ्गै नेपाली समाजमा नै वितृष्णा सिर्जना गर्दछ, यो मेरो कोही र कसै प्रति लक्षित आरोप र प्रत्यारोप होइन , संघ स्थापनाका लागि लगानी गर्ने एउटा पीडित सदस्यको आक्रोश हो । हाम्रो संस्थाबाट समेत उक्त संघ दर्ता गर्दाको अवस्थामा तदर्थ समितिमा प्रतिनिधि चयन गरिएको थियो । संघ स्थापना र दर्ता भएको ३ महिना भित्र नै हिसाब किताब सम्बन्धी पारदर्शिता छैन , संस्थाको रकम फिर्ता लिनुपर्छ , गलत ठाउँमा लगानी गरेर गल्ती गरिएछ भनेर हाम्रो संस्थाबाट पठाएका प्रतिनिधिले संस्थाको सञ्चालक समितिको बैठकमा आक्रोश व्यक्त गरेको कारण समेत उक्त संघ स्थापनाको नियत राम्रो देखिदैन र बाढीको बहानामा संघको ठूलो रकम अपचलन भएको छ। यस सम्बन्धमा तत्कालै नेपाल सरकारको छानबिन गर्ने निकायबाट निष्पक्ष र पारदर्शी रुपमा छानबिन गरी पीडित संस्थाहरुको रकमको संरक्षण हुनु पर्दछ ।

जय सहकारी ।